Punzese ind' u core pure si a luntano

M' aggio scurdà

a pace ca me deve

ved é a luntano

a sagoma 'i Ponza.

mentre u vapore capuzzianno s'avvecina.

U stommaco:

tuosto comme no preta

pe nun vummecà.

A prora,

chella forma nera

se faceva sempe cchiù grossa:

arapeva i bracce

pe m' assicurà.

Comme mamma mia

ca m'aspettava

sennza lacreme,

senza smancerie.

M' aggia scurdà

a forza ca me deve

u viento 'i grecale

e u porto sparpeteava

pa chiena ma ingrossa

e i varche fanno tozza tozza .

I piscature guardeno, preoccupate;

i fatich e 'i na vita

se ponno perde ind'

a na nuttata.

"Povera, a ggente ca fatica ncopp'

all' acqua salata.

S' abboscheno

friddo e malatie,

sacche avvacante e scarpe sfunnate ".

Accussì dcceva papà mio.

e nserrom a porta.

accustava i spurtielle:

u maletiempo a fore

e dint' a casa

a famiglia a

core a core,

Sò scene d'ati tiempe,

sò fantasie

c' aggio scurdà:

metteno malinconia

fanno iastemmà.

Me fanno capì

c' a troppo tiempo

stongo luntano a Ponza;

pozzo fà finta 'i niente

ma nun sò contento,

E comme a me

tante ate paisane

sparse p'u munno:

punzise ind' u core

pure si a ìuntano.

FrancescoDe Luca